Дзень роднай мовы

Гэта нагода для носьбітаў мовы яшчэ раз задумацца аб лёсе той, адзінай, якую мы завём матчынай, на якой думаем, на якой вымавілі першае слова і на якой размаўлялі нашы продкі. Такой роднай, такой прыгожай, чароўнай і непаўторнай!

Менавіта таму ўвесь дзень і настаўнікі, і вучні сярэдяй школы № 28 г. Брэста прызнаваліся ў любві да роднай мовы, заклікалі ўсіх гаварыць па-беларуску. А школьны тэлевізійны канал прадставіў інфармацыйны выпуск да Дня роднай мовы.

На перапынках паміж заняткамі вучняў і настаўнікаў чакала цікавая праграма: відэаролікі, конкурсы, віктарыны. Пераможцы былі ўзнагароджаны беларускімі цукеркамі. А потым усіх запрасілі паспрабаваць смачных дранікаў, прыгатаваных вучнямі школы, і зрабіць фота на памяць.